About Papiamentu

Biografia Kirsten Mare

Biografia Kirsten Mare a nase na Kòrsou i tin 15 aña di edat. Aktualmente Kirsten ta den VWO 3 na Dr. Albert Schweitzer College Havo/VWO. For di edat basta yong Kirsten Mare a deskubrí su pashon pa músika. Su soño ta ku e kier bira kantante profeshonal.

Kirsten Mare a kuminsa siña su mes kanta via di youtube. Na edat di 9 aña Kirsten a partisipá na e kompetensia di talento ‘Strea Chiki’(Curaao youth got talent/ Curastars). Kirsten a bai oudishon sin nunka a risibí lès di kanto. Kirsten a gana e kompetensia di Strea Chiki na aña 2016.

Kirsten a tuma kantamentu na serio i a sigui lès pa kanta opera i pa siña tèknikanan pa uza su stèm. Kirsten a forma parti di koro Kòrsou ‘A la belcanto’. Tambe ela kanta ku kantantenan renombrá di nos isla. Kirsten tabatin e honor di a wordu kompañá di tremendo musikonan manera: Pianista Johny Kleinmoedig, Ilja Huang Ii, Randal Corsen, Herhel Rosario, Marlon Conradus , Ronchi Mechu, Igort Rivas I hopi mas.

Kirsten Mare a tuma parti di diferente eventonan: shownan riba Freewinds cruise ship, Kaya kaya, Hospice Arco Cavent, konferensia di Valery Burton I entiero Tante Irma.

Un presentashon ku a hasi impakto riba Kirsten Mare tabata su promé biaha interpretando Himno di Kòrsou riba Brion Plein na yegada di San Nikolas na aña 2017.

Na aña 2018 Kirsten Mare a risibí un ‘master class’ di bariton Sr. Marco Bakker, un kantante di opera di Hulanda ku ta konosí internashonalmente. Kirsten Mare tabatin e honor di a canta den su show na Kòrsou. Na aña 2019 Kirsten Mare a kanta den ‘Opera Per Tutti’ huntu ku Ginette Puylaert, cu ta un soprano i , Thijs Haalstra cu ta un tenor cu a bini for di Hulanda den unmini orkesta.

Kirsten Mare a kanta na diferente fundraising entre otro fundraising di ‘Child First Foundation’ i tambe pa iglesia pa rekouda fondo pa temporadanan speshal. Na aña 2021 Kirsten Mare tabata tin e honor di a sera konosí ku e legendario Sr. Ced Ride. Nan tabata tin un konekshon hopi speshal i tabata tin plan pa por hasi mas. Lastima ku Sr. Ced Ride a fayesé. Kirsten Mare tabata tin e honor di por a interpretá un di e kansionnan di Ced Ride “Ta Yu Di Korsou Mi Ta” na su entiero. Un presentashon ku a hasi hopi impakto, i Kirsten a risibí standing ovation’ dos biaha.

Kirsten Mare ta un kantante soprano i ta kanta na kasamentu, entiero, boutismo, kongreso i otro aktividatnan di protokol. Kirsten Mare ta konsehá tur hoben pa bai pa nan soño ku nan ta kere aden. Kada kos ku un hoben hasi e mester hasi esaki di kurason i disfrutá di dje. Hopi importante ta pa semper pone estudio na promé luga.

Kirsten Mare su meta ta pa trese músika klasiko mas den nos hobennan aki na Kòrsou iI rònt mundu. Músika klasiko ta bon pa mente i alma.

Kirsten Mare ta riba diferente plataforma digital manera Facebook, Instagram i Youtube.